Сайёрада яқин 30 йилда ўртача ҳарорат бир ярим даражадан ошса, инсоният ҳалокатли табиий ўзгаришларга дуч келади. Бу ҳақда россиялик иқлимшунос, Вернадский номидаги Қозон федерал университети агротехнология академияси доценти Владимир Рябов «РИА Новости»га хабар берди.

Маълум қилинишича, мазкур огоҳлантириш иқлим бўйича Париж келишувида ҳам айтилган. Олим табиий офатлар, хусусан, бўронлар ва ёмғирларнинг кучайиши шунчаки бошланғич нуқта ҳисобланишини қайд этган. У глобал исиш нафақат инсон фаолиятига, балки асосий сабаб табиий жараёнларга боғлиқлигини айтган. Рябов баъзи ўзгаришларни тезлаштириши ёки секинлаштириши мумкинлигини ҳам қўшимча қилган.

Шунингдек, у сўнгги 40 йил ичида сайёрада исиш ҳар қачонгидан ҳам кучлироқ бўлганини тушунтириб, ўртача ҳарорат икки даражага кўтарилганини айтган. «Иқлимнинг тез ўзгариши оқибати эса табиий офатлар бўлади. Ўзгаришлар қанчалик глобал бўлса, шунчалик хавфли офатлар юзага келади. Фалокатнинг бошланиши дастлаб океанлардаги, кейинроқ эса тоғ чўққиларида музларнинг эриши бўлиши мумкин. Бундай ҳолда 30 фоиз ер сув остида қолади», — дея огоҳлантирган у.

«Фалокатнинг бошланиши дастлаб океанлардаги, кейинроқ эса тоғ чўққиларида музларнинг эриши бўлиши мумкин. Бундай ҳолда 30 фоиз ер сув остида қолади», — дея давом этди у.

Климатологнинг таъкидлашича, аҳоли зич жойлашган ҳудудлар сув остида қолади. Олимлар мунтазам равишда глобал исиш хавфи ҳақида огоҳлантиради. Жараённи жиловлаш учун 2015 йилда 190 дан ортиқ мамлакатлар иссиқхона газлари чиқиндиларини камайтириш, технологик янгилаш ва давом этаётган ўзгаришларга мослашишга қаратилган Париж иқлим келишувини имзолади. Шунингдек, қайта тикланадиган энергия манбаларининг улушини ошириш кутилмоқда.

Аввалоқ инсоният учун яқин 10 йилдаги хавфлар рўйхати тузилгани ва дунё бўйлаб 2021 йилда ҳарорат даражаси рекорд ўрнатгани маълум қилинган.