Президентнинг «Туризм, маданият, маданий мерос ва спорт соҳаларини янада ривожлантириш учун қўшимча шароитлар яратиш тўғрисида»ги фармони қабул қилинди. Ҳужжат матни ЎзАда эълон қилинди.

Маълум бўлишича, 2022 йил 1 январдан 2023 йил 1 январгача чартер рейс орқали сайёҳларни олиб келувчи авиаташувчилар харажатининг бир қисми қоплаб берилади.

Қайд этилишича, мамлакат ҳудудида камида 5 кеча тунаб қолган ҳар бир турист учун 10 доллар, қиш мавсумида (20 ноябрдан 20 февралгача) 25 долларгача давлат бюджети ҳисобидан тўлаб берилади.

Аввалроқ Ўзбекистонга келган сайёҳлар тур-покет бўйича кунига 60–70 доллар сарфлаши ҳақида хабар берилганди. Шунингдек, 2021 йилнинг январь–сентябрь ойларида мамлакатга 1 миллион 135 минг 621 нафар турист ташриф буюрганди.