Ўзбекистонга 17 январь куни 310 минг 50 доза «Pfizer/BioNTech» вакцинаси олиб келинди. Бу ҳақда Соғлиқни сақлаш вазирлиги ахборот хизмати хабар берди.

Маълум қилинишича, 17 январда мамлакатга олиб келинган иккинчи партия вакцинадан сўнг умумий кўрсаткич 49 миллион 846 минг 818 тага етди. Умумий вакциналардан:

• 2 404 480 дозаси — «AstraZeneca»;
• 37 789 938 дозаси — «ZF-UZ-VAC2001»;
• 1 341 790 дозаси — «Спутник V»;
• 3 500 460 дозаси — «Moderna»;
• 2 626 650 дозаси — «Pfizer/BioNTech»;
• 1 976 000 дозаси — «Sinovac»;
• 207 500 дозаси — «Спутник Лайт».

Шунингдек, қарийб 40,6 миллион доза вакцина эмлаш жараёнида қўлланган.

Аввалроқ Ўзбекистонда вакцина олган фуқаролар сонини кўпайтириш учун йиғилиш ўтказилиб, таклифлар ўрганилганди. Шунингдек, талабаларнинг коронавирусга қарши эмланиши мажбурий эмаслиги ҳақида хабар қилинганди.