Қозоғистон чегарачилари мамлакатни тарк этаётган 29 ёшли Ўзбекистон фуқаросини қўлга олди. Бу ҳақда «Sputnik Қозоғистон» хабар берди.

Маълум қилинишича, йигитнинг мобил телефонида 800 мегабайтдан ортиқ ҳажмдаги Чимкентдаги тартибсизликлар жойида олинган видеолар аниқланган. Шунингдек, Ўзбекистон фуқаросининг белида, эҳтимол, резина ўқлардан кўрилган ўқ жароҳати қайд этилган.

Эслатиб ўтамиз, аввалроқ Украинанинг Луганск вилоятида 29 декабрь куни чегарачилар Украина–Россия чегарасида 5 нафар ўзбекистонликни қўлга олганди. Қоидабузарлар Россия ҳудудига кириш тақиқлангани учун белгиланган назорат-ўтказиш пунктларидан ташқарида давлат чегарасини ноқонуний кесиб ўтмоқчи бўлган. Уларга нисбатан Украина давлат чегарасини ноқонуний кесиб ўтиш ёки ноқонуний кесиб ўтишга уриниш (Украина Жиноят кодексининг 204-1-моддаси 2-қисми) моддаси бўйича маъмурий ҳуқуқбузарликлар тўғрисида баённома тузилган.

Таъкидланишича, Ўзбекистон фуқаролари маъмурий жавобгарликка тортилади ва ўз ватанига мажбуран қайтарилади.

Аввалроқ Қозоғистонда ичида ўзбекистонликлар бўлган автобус ЙТҲга учраганди. Шунингдек, Қирғизистонда «Ҳизб ут-Таҳрир» ташкилотининг ўзбекистонлик етакчиси қўлга олинганди.