Хитойда туғилиш кўрсаткичи рекорд даражада пастлади

Хитойда туғилиш даражаси 2021 йилда рекорд даражада пасайди. Бу ҳақда 14 январ куни эълон қилинган маълумотларга таяниб, «Reuters» хабар берди.

Фото: «South China Morning Post»

Маълум қилинишича, мазкур пасайиш туфайли Пекин ҳукумати 2021 йилда 3 нафаргача фарзанд кўришга рухсат берган. Хитой 2016 йилда ўнлаб йиллар давом этган бир бола сиёсатидан воз кечиб, аҳолининг тез қариб кетишидан келиб чиқадиган иқтисодий хавф-хатарлардан қочиш мақсадида уни икки бола чегараси билан алмаштирган, бироқ шаҳарда яшашнинг юқори нархи эр-хотинларни кўпроқ фарзанд кўришдан қайтарган.

Таъкидланишича, 2021 йилда ҳар 1000 кишига 7,52 туғилиш кўрсаткичи 1949 йилдан бери қайд этилган энг паст кўрсаткич ҳисобланади, ўшанда Миллий статистика бюроси маълумотларни тўплашни бошлаб, амалдорларга туғилиш сонини ошириш учун босим ўтказгани айтилган. Хитой аҳолисининг миграцияни ҳисобга олмаганда табиий ўсиш суръати 2021 йил учун атиги 0,034 фоизни ташкил этган ва бу 1960 йилдан бери энг паст кўрсаткич саналади.

«Демографик муаммо ҳаммага маълум, аммо аҳолининг қариш тезлиги кутилганидан тезроқ. Бу Хитой аҳолисининг умумий сони 2021 йилда энг юқори чўққига чиққан бўлиши мумкинлигини кўрсатади. Шунингдек, Хитойнинг потенциал ўсиши кутилганидан тезроқ секинлашиши мумкинлигини англатади», — деган Pinpoint Asset managment бош иқтисодчиси Чживей Чжан.

Қайд этилишича, эр-хотинларга учта фарзанд кўришга рухсат беришдан ташқари, Хитой 2021 йили болаларни тарбиялашнинг молиявий юкини камайтиришга қаратилган сиёсатни қабул қилган. Хитойнинг меҳнатга лаёқатли аҳолиси аллақачон камаётгани, бу эса мамлакатнинг тўлов қобилиятига ва ҳукуматга ғамхўрлик қилиш қобилиятига босим ўтказиши айтилган.

Маълумотларга кўра, Хитойда 2021 йилда 10,62 миллион бола туғилган, таққослаш учун: мазкур кўрсаткич 2020 йилда 12 миллионни ташкил қилган. Пекинда жойлашган Хитой ва глобаллашув марказининг демография бўйича эксперти Хуан Венженнинг айтишича, сиёсатда қўшимча ўзгаришлар бўлмаса, туғилиш сони 10 миллион оралиғида ўзгариб туриши мумкин.

«Аммо сиёсат узоқ муддатда туғилишни кўпроқ қўллаб-қувватлайди. Карьерада кўтарилиш сизнинг фарзандларингиз бор ёки йўқлиги, иқтисодий рағбатлантириш ёки ҳатто оилани боқиш харажатларини қоплаш учун жамиятдан тўғридан-тўғри нақд тўловлар билан боғлиқ бўлиши мумкин», — деган у.

Аввалроқ Хитойда иккинчи ва учинчи фарзанд учун фуқароларга пул тўланиши ва мамлакатда мактаб ўқувчиларининг формасини чиплаш бошлангани маълум қилинган.

Тошкентда «Нархоз»га ўқишга киритиб қўйиш учун 3 минг доллар олган кабинет мудири ушланди
Жамият18:40 | 10.8.22
Тошкентда «Нархоз»га ўқишга киритиб қўйиш учун 3 минг доллар олган кабинет мудири ушланди
Шахмат олимпиадаси ғолибларига қандай давлат мукофотлари берилиши маълум бўлди
Жамият18:18 | 10.8.22
Шахмат олимпиадаси ғолибларига қандай давлат мукофотлари берилиши маълум бўлди
Бахтиёр Исломов Ўзбекистон Олий суди раиси лавозимига сайланди
Жамият17:53 | 10.8.22
Бахтиёр Исломов Ўзбекистон Олий суди раиси лавозимига сайланди
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев
Жамият17:24 | 10.8.22
«Ҳиндистонда ғолиб бўлган шахматчиларимизни давлат мукофотлари билан тақдирлаймиз» — Шавкат Мирзиёев
«Бугунги Тошкент 1994 йилги Дубайдан зўр» — Жаҳонгир Ортиқхўжаев
Жамият, Тошкент ш.16:57 | 10.8.22
«Бугунги Тошкент 1994 йилги Дубайдан зўр» — Жаҳонгир Ортиқхўжаев
Ўзбекистонда хонадонларга суюлтирилган газ етказиб бериш муддати қисқаради
Жамият16:37 | 10.8.22
Ўзбекистонда хонадонларга суюлтирилган газ етказиб бериш муддати қисқаради