Германиядаги Альфред Вегенер институтининг денгиз биологи Отун Пёрсер ва унинг ҳамкасблари Антарктика ярим оролида жойлашган оққонли китларининг улкан колониясига дуч келди. Бу ҳақда «Live Science» хабар берди.

Маълум қилинишича, оқ қонли денгиз мавжудотлари 11 туркумдаги 25 га яқин турни ўз ичига олади. Улар рангсиз ёки бироз сарғиш плазма қонига эга бўлгани учун оқ қонли номини олган. Айнан шу хусусият балиқларга Антарктика сувининг юқори совуқлигига мослашиш имконини беради.

Таъкидланишича, тадқиқотчилар ер усти суви ва денгиз туби ўртасидаги кимёвий боғланишни ўрганган. Тадқиқотнинг бир қисми олимларнинг кемасига уланган камера билан жиҳозланган қурилма ёрдамида денгиз тубидаги ҳаётни ўрганишни ўз ичига олган. Уэдделла денгизида мутахассислар камера доимо оқ қонли китларнинг думалоқ уясига урилиб кетганини аниқлаган. Олимлар бу ҳудудда яна учта тадқиқот ўтказиб, бир хил зичликдаги уяларни топган.

Қайд этилишича, уялар тахминан 240 квадрат километр майдонда ҳар 25 сантиметрда жойлашган. Ушбу уяларнинг кўпчилигига ўртача 1700 та тухумни кузатадиган балиқ келиб турган. Шу тариқа мазкур ҳудудда умумий ҳисобда 60 миллионга яқин уя аниқланган. «Бу балиқлар одатда гуруҳ бўлиб уя қуради, бироқ ўтмишда олимлар бир ҳудудда кўплаб уяларни кўрмаган. Биз ҳеч қачон бундай нарсани кўрмаганмиз», — дейди биолог Отун Пёрсор.

Тадқиқотчилар ҳали бу ҳодисанинг сабабини аниқлай олмаган. Эҳтимол, бу жой янги туғилган балиқлар учун муҳим озиқ-овқат манбаи бўлиши мумкинлиги таҳмин қилинган. Тадқиқотчилар аниқланган ҳудудни ўрганиш учун камералар ўрнатган, у тўрт марта суратга олади. «Бу денгиз туби экотизимининг деярли янги тури, деб айтардим. Ажабланарлиси шундаки, у илгари ҳеч қачон аниқланмаган», — дея хулоса қилган Пёрсор. Олимлар 2022 йилнинг апрель ойида Уэддел денгизига қайтишни режалаштирмоқда.

Аввалроқ олимлар қирилиб кетган йиртқич денгиз ҳайвонининг улкан скелетини топгани ҳақида хабар берилган.