Туркманистоннинг турли давлат департаментларидаги манбалар Туркманбоши шаҳрида «омикрон» штами аниқланганини маълум қилди. Бу ҳақда «Turkmen news» хабар берди.

Маълум қилинишича, «Dragon Oil» компаниясининг филиппинлик ходими ковиднинг мазкур турини юқтирган. Унинг Туркманистонга қачон ва қайси давлатдан келгани ҳақида маълумот мавжуд эмас.

Таъкидланишича, айнан шу ҳолат январь ойи ўрталарида қатъий карантин чоралари жорий этилишига сабаб бўлган. Касалликларнинг тарқалишига қарши кураш бўйича фавқулодда комиссияси ковид профилактикаси бўйича янги талаб ва чекловлар рўйхатини тасдиқлаган.

Унга кўра, вилоятлар ўртасида ҳаво, темир йўл ва автобус қатновини чеклаш, хориждан экспорт рейсларини бекор қилиш, умумий овқатланиш шохобчалари ва дам олиш масканлари фаолияти, вилоят марказлари ўртасидаги чегараларда назоратни кучайтириш, шунингдек, чегара ҳудудларида яшовчи аҳолининг кириш ва чиқишларини чеклашни ўз ичига олади.

Аввалроқ Исроилда «омикрон»нинг мутацияланган тури ва Ўзбекистон билан чегарадош яна бир давлатда «омикрон» аниқлангани маълум қилинган.