Россиялик иммунолог Николай Крючков «омикрон» штами юқори нафас йўлларининг шиллиқ пардалари ҳужайраларида фаолроқ тарқалиши, шу сабабли бу штаммга чалинган беморларда касаллик енгил кечишини айтди. Бу ҳақда «Известия» хабар берди.

Маълум қилинишича, «омикрон» хусусиятлари ҳақида яхши маълумотлар юзага чиқмоқда. Хусусан, у «дельта» билан солиштирганда юқори нафас йўлларининг шиллиқ қаватлари ҳужайраларида яхшироқ, ўпкада эса ёмонроқ кўпаяди. Бу бўйича япон лабараториясида тадқиқот ўтказилган. Мазкур маълумот қисман «омикрон» линиясининг паст патогенлигини тушунтириши мумкин.

Ўз навбатида, Гамалея номидаги эпидемиология ва микробиология илмий марказининг бош илмий ходими Анатолий Альтштейн Крючковнинг фикрига қўшилган. Мутахассис «омикрон»нинг бу хусусияти COVID-19 патогенини камайтириш нуқтаи назаридан муҳим аҳамиятга эгалигини айтган.

«Бу ковид турида ўпканинг яллиғланиши ʼдельтаʼ ва бошқаларга қараганда камроқ учрайди», — дейди Альтштейн.

Аввалроқ коронавируснинг янги аломатлари эълон қилинганди. Шунингдек, олимлар коронавирус енгил кечишининг хавфли оқибатини аниқлаган.