Қозоғистон чегарачилари мамлакатни тарк этаётган 29 ёшли Ўзбекистон фуқаросини қўлга олгани ҳақида хабар берилганди. Ташқи ишлар вазирлиги расмий вакили эркакнинг ўзбекистонлик эканини рад этди.

Маълум бўлишича, Қозоғистонда содир бўлган тартибсизликларда иштирок этганликда гумон қилинаётган Ўзбекистон фуқаросининг 2022 йил 17 январь куни Туркистон вилояти (Қозоғистон) «Жибек жоли» ўтиш пунктида қўлга олингани ҳақида маълумот тарқалган.

Вазирлик расмий вакилининг таъкидлашича, Ўзбекистоннинг Олмаота шаҳридаги Бош консулхонаси томонидан Қозоғистон Миллий хавфсизлик қўмитаси матбуот хизмати маълумот тақдим қилган. Унга кўра, қўлга олинган шахс Ўзбекистон фуқароси эмас.

Аввалроқ Қирғизистонда «Ҳизб ут-Таҳрир» ташкилотининг ўзбекистонлик етакчиси қўлга олинганди.