Хоразмда 60 ёшли маст эркак ўғлини пичоқлаб ўлдирди
Хоразмнинг Боғот туманида 60 ёшли маст ота ўғлини пичоқлаб ўлдирди. Бу ҳақда туман ҳокимлиги ахборот хизмати хабар берди.
Маълум бўлишича, айбланувчи муқаддам содир қилган жиноятлари учун жазосини ўтаб келган ва кейинчалик спиртли ичкиликларга ружу қўйган. 2021 йил 8 майда Урганч шаҳрида бўлган кичик ўғилга акаси қўнғироқ қилган ва отаси яна ичиб, жанжал қилётгани ҳамда маҳалла раиси ҳам тинчлантира олмаётганини айтган.
Таъкидланишича, яшаш жойига келган кичик ўғил ва ака отасини уйига киргизган. Маст ота ўғилларининг ўзини тинчлантириш учун қилган ҳаракатини ҳақоратдек қабул қилган ва ошхонага кириб, қўлига пичоқ олган ҳамда ташқаридан келган катта ўғлининг кўкрагига санчган. Етказилган оғир жароҳатдан ўғил шифохонада вафот этган. Воқеа юзасидан Жиноят ишлари бўйича туман суди айбланувчига 10 йиллик қамоқ жазоси тайинлаган.
Аввалроқ Қашқадарёда фуқарони бўйнига пичоқ уриб ўлдириб, қудуққа ташлаб кетган эркак салкам 20 йилга қамалганди. Шунингдек, Бухорода эркак хотинини кўкрак қафасига пичоқ уриб ўлдирганди.
