Олимлар реанимацияда ётган беморларда коронавирус инфекциясининг кечишини аниқлайдиган нейрон тармоқни ишлаб чиқди. Бу ҳақда «PloS Digital Health» хабар берди.

Маълум қилинишича, тадқиқотчилар Германия касалхоналарига пандемиянинг бошида COVID–19’нинг оғир шакли билан ётқизилган 50 нафар беморнинг қон намуналарини таҳлил қилган. Улар миллий кўрсатмаларга мувофиқ даволанган, бироқ баъзи беморлар хасталикдан вафот этган.

Таъкидланишича, тадқиқотда терапияси чекланган беморларнинг қон намуналари чиқариб ташланган. Олимлар инфекциянинг турли босқичларида қон намуналарини тўплаб, касаллик даврида уч юзта оқсил концентрацияси қандай ўзгарганини кузатган. Бу махсус ишлаб чиқилган нейрон тармоқ ёрдамида аниқланган.

Таҳлил давомида мутахассислар 14 та асосий оқсил тўпламини —протеомаларни аниқлаган, уларнинг концентрацияси касалликнинг натижасига сезиларли таъсир кўрсатган. Нейрон тармоқдан беморнинг ковиддан ўлим ёки тикланиш эҳтимолини аниқлашда фойдаланилган.

«Биз протеома оғир касалланган ковид беморларининг 39 кун олдин тўплаган намуналари орқали уларнинг омон қолишини аниқлай олишини кўрсатдик», — деб ёзади тадқиқотчилар.

Аввалроқ ковиднинг оғир кечишига нима сабаб бўлиши аниқланганди. Шунингдек, коронавирус мия фаолиятига қандай зарар етказиши маълум қилинган.