Ковидга чалинганларнинг ҳид ва таъм билишни йўқотиши сабаби айтилди
Мутахассислар коронавирус билан касаллангандан кейин ҳид ёки таъм ҳиссини йўқотиш эҳтимолини оширадиган генетик омил мавжудлигини аниқлади. Бу ҳақда «Nature Genetics» хабар берди.
Маълум қилинишича, бу омил инсоннинг ҳид ёки таъмни йўқотиш эҳтимолини 11 фоизга оширади. Тадқиқот шуни кўрсатадики, аёллар эркакларга қараганда 11 фоизга кўпроқ вирусни юқтирганидан кейин аломатлар ҳақида хабар берган. Мазкур хусусиятни йўқотганларнинг 73 фоизи 26 ёшдан 35 ёшгача бўлганлар ҳисобланади.
Таъкидланишича, кейинроқ тадқиқот жамоаси симптом кузатилгани ва аниқланмаганини айтган беморларнинг геномини ўрганган. Шу тариқа, иккита ген, UGT2A1 ва UGT2A2’нинг жойлашуви, COVID-19 ҳужуми пайтида таъм ва ҳидни йўқотишга таъсир қилиши маълум бўлган. Тадқиқотда 1 миллионадан ортиқ одам иштирок этган.
Аввалроқ америкалик олимлар спиртли ичимлик истеъмол қилиш ва ковид ўртасидаги боғлиқликни топганди. Шунингдек, ковид оқибатида организмда яна бир хавфли касаллик ривожланиши аниқланганди.
