Коронавирусга қайта чалиниш эҳтимоли нисбатан паст бўлиб, бу жараёнга сурункали касаллик таъсир ўтказа олади. Бу ҳақда «РИА Новости» хабар берди.

Келтирилишича, инфекционист, Россия халқлар дўстлиги университети юқумли касалликлар кафедраси доценти Сергей Вознесенский бу бўйича маълумот берган. «Ҳа, касалликка қайта-қайта чалиниш мумкин, лекин уларнинг эҳтимоли паст ва бу бир ой ичида кузатилмайди», — деган у.

Мутахассиснинг таъкидлашича, бундай ҳолларда одам аввал қандай касалликка чалингани, унинг иммунитети шаклланганми ёки йўқлигини аниқлаб, ҳозир нима билан касалланганини тушуниш керак. Инфекционист агар одамда маълум бир иммунитет танқислигига олиб келадиган сурункали касалликлар бўлса, касаллик эҳтимоли ортиши, натижада иммунитет реакцияси ривожланмаслигини айтган. Бундай ҳолда, яна коронавирус билан касалланиш эҳтимоли катталиги қўшимча қилинган.

Аввалроқ одамлар ковид ва гриппга чалинганини қандай аниқлай олиши айтилган. Шунингдек, коронавируснинг янги аломатлари эълон қилинган.