Коронавирус инфекциясининг оғир кечиши хавфи узоқ вақтдан бери чекадиган одамларда икки баравар юқори. Бу ҳақда Халқаро саломатлик бўйича Япония миллий тадқиқот марказига таяниб, «РИА Новости» хабар берди.

Маълум қилинишича, тадқиқот 2021 йилнинг февралигача 20 ёшдан 80 ёшгача бўлган 17,6 минг нафар касалхонага ётқизилган бемор маълумоти асосида ўтказилган. Натижаларда касалликнинг оғир кечиши хавфи, жумладан, беморни кислород аппаратига улаш зарурати эркакларда 1,51 баробар, аёлларда эса 1,94 баравар юқори экани аниқланган.

Мутахассислар бундай натижани чекувчиларнинг сурункали касалликларга чалиниши, ўпка ва юрак билан боғлиқ муаммолари борлиги, бу эса уларни вирусга нисбатан заифроқ бўлиши билан изоҳлаган.

Аввалроқ ковиднинг инсон организмида узоқ вақт сақланиб қолиши сабаби ва ковиднинг организмда аломатларсиз ўтиши қандай хавфли оқибатга олиб келиши айтилган.