Россиялик олимлар табиий ва сунъий иммунитет коронавирусдан қай даражада ҳимоя қилишини солиштирди. Бу ҳақда «РБК» хабар берди.

Маълум қилинишича, табиий иммунитет ҳимояси эмлашдан кўра кучлироқ бўлиб, аммо энг яхши вариант бу касалликдан кейинги вакцинация ҳисобланади.

«Ҳеч ким одам соғлом ва ёш экан, шунинг учун касал бўлишдан қўрқмайди деб айта олмайди. Вакцинация — анча ‘тинч’ вариант. Одамлар табиий иммунитетга эга бўлиш учун касал бўлишим керак деб ўйламаслиги зарур», — деган биология фанлари доктори Анча Баранова.

Ўз навбатида, россиялик яна бир мутахассис, вирусология профессори Александр Чепурнов табиий иммунитет яхшироқ ишлашини айтган. У ҳатто касалликдан кейин эмланиш ковидга чалинмай икки марта эмлангандан кўра устунлигини айтган. Айнан табиий ва сунъий иммунитет комбинацияси  «супериммунитет» деб аталишини қўшимча қилган.

Глобал вирусологик тармоқ маркази директори ва ЖССТ маслаҳатчиси Константин Чумаков табиий иммунитет сунъий иммунитетдан яхшироқ эканига қўшилмаслигини билдирган ва коронавирус билан касалланганидан кейин вакцина қабул қилиш кераклигини таъкидлаган.

Қайд этилишича, COVID-19 касаллиги тахминан бир ярим йил давомида иммунитет бериши мумкин.

Аввалроқ бустер эмланиш организмга қандай таъсир қилиши айтилганди. Шунингдек, гриппга қарши эмланиш ковиддан қандай ҳимоя қилиши маълум қилинган.