Ўзбекистонда айрим рус тили ўқитувчиларига устама тўлаб берилади
Ўзбекистонда С1 ва ундан юқори даражадаги сертификатга эга рус тили ўқитувчиларига қўшимча ҳақ тўлаб берилади. Бу ҳақда Халқ таълими вазирлиги ахборот хизмати хабар берди.
Маълум бўлишича, 1 февралдан таълим тили рус бўлмаган умумтаълим муассасаларида ишлаётган, С1 ва ундан юқори даражадаги миллий ёки халқаро тан олинган сертификатга эга рус тили ўқитувчиларига 50 фоиз устама тўланади.
Қайд этилишича, қўшимча ҳақ ўз вақтида тўлаб борилишини таъминлаш бўйича ҳудудий халқ таълими бўлинмаларига вазирлик кўрсатма берган.
Аввалроқ Ўзбекистонда ободонлаштириш ходимларига устама тўланиши хабар қилинганди. Шунингдек, айрим шифокорларга 25 фоиз миқдорида ойлик устама ҳақи берилиши маълум қилинганди.
