Иммунитет тизими коронавирус билан қандай курашади?
Британиянинг Ньюкасл университети экспертлари гуруҳи иммунитет тизими коронавирусга қарши курашни бурундан бошлашини маълум қилди. Бу ҳақда «Nature» хабар берди.
Маълум қилинишича, бурун инфекциянинг танага «кириши» учун энг яхши имконият ҳисобланади. Мутахассисларнинг фикрича, бурундаги ҳужайралар турли инфекцияларга, жумладан, коронавирусга ҳам жуда заиф бўлиб, улар инфекцияланган вирусли моддаларни тўплайди ва акcириш орқали уни тарқатади.
Тадқиқотга раҳбарлик қилган доктор Кристофер Дунканнинг сўзларига кўра, натижалар касалликнинг дастлабки босқичида коронавирусни даволашда ёрдам бериши мумкин. «Бурундаги коронавирусга қарши иммунитет бошқа респиратор инфекцияларга қараганда кучлироқ», — дейди Дункан.
Аввалроқ олимлар коронавируснинг иммунитет тизимига таъсирини аниқлаганди. Шунингдек, қандай одамларда ковидга қарши супер иммунитет шаклланиши маълум бўлган.
