АҚШ Миллий аэронавтика ва фазони тадқиқ қилиш бошқармаси (NASA) мутахассислари Қуёшда кузатилган кучли чақнашни намойиш қилди.

Маълум қилинишича, видео NASA’нинг Instagram’даги расмий саҳифасига жойлаштирилган. Чақнаш 20 январь куни соат 06:01 да юқори чўққига чиққан. У Қуёшни доимий равишда кузатувчи Қуёш динамикаси обсерваторияси томонидан қайд этилган.

«Қуёшдаги чақнашлар энергиянинг кучли ажралиб чиқиши ҳисобланади. Улар одатда Қуёшдаги магнит майдон ҳудудларида фаол бўлиб, Қуёш чақнаши шаклида электромагнит нурланиш чиқаради», дейилади хабарда.

Таъкидланишича, чақнашлар ва Қуёшдан плазма булути ажралиши радиоалоқа, электр тармоқлари, навигация сигналларига таъсир қилиши ҳамда астронавтлар учун хавф туғдириши мумкин.

Аввалроқ Қуёшда 40 га яқин кучли чақнаш қайд этилганди. Шунингдек, Ерни кучли магнит бўронлари қоплагани ва Қуёшда кучли чақнаш содир бўлгани маълум қилинган.