Россиялик инфекционист Евгений Тимаков «омикрон» штами билан касалланиш белгилари ҳақида гапириб, улар вирусга чалинганлик ҳақида аниқ маълумот беришини айтди. Бу ҳақда «Gazeta.ru» хабар берди.

Маълум қилинишича, агар одамда дарҳол бурун оқиши, бош оғриғи, томоқ оғриғи, овозда хириллаш кузатилса, бу унинг деярли 100 фоиз «омикрон»га чалинганидан далолар беради. У, шунингдек, «омикрон» турли аломатлар, дармонсизлик, уйқу бузилиши, иситма, қорин оғриғи ва ошқозон-ичак трактидан реакциялар билан бирга кечишини айтган.

«Ўзига хос бўлмаган, балки жуда кўп турли хил клиник кўринишлар мавжуд», — дея қўшимча қилган юқумли касалликлар бўйича мутахассис.

Аввалроқ «омикрон»нинг болаларда кузатиладиган асосий симптоми маълум бўлганди. Шунингдек, «омикрон» штамининг фарқланадиган аломати аниқланган.