Тайванлик уфолог, номаълум учар жисмлар овчиси Скотт Уоринг Марс юзасида 25 километрга чўзилган ўзга сайёраликлар базаси борлигини маълум қилди. Бу ҳақда «The Sun» хабар берди.

Маълум қилинишча, Уоринг бу Ердан ташқарида топилган биринчи база эмаслигини айтган. Бунгача у Ойда шундай объектларни «топгани» ва у ерда ҳам космик кема «борлигини» айтган.

«Марсда 25 километрлик база топилди, у Sulci Gordii тизмалари яқинида жойлашган. NASA бу ҳақда ҳеч ким билишини истамайди», — деган Уоринг Twitter’даги саҳифасида.

Аммо ҳозирча Уорингнинг энг машҳур «топилмаси» «Perseverance» қурилмаси томонидан суратга олинган космик пингвиндир. Кейин уфолог фотосуратнинг ҳақиқийлигига шубҳа қилиб, у «сохта» расм бўлиши мумкинлигини айтган. Мутахассис бу шунчаки ноодатий шаклдаги тош экани ҳақидаги версияни ҳисобга олмаган.

Аввалроқ АҚШ ҳарбийлари номаълум учар жисмни нима учун ўрганаётганини тушунтирганди. Шунингдек, Венгрия осмонида номаълум объект қайд этилган.