Ўзбекистонда 2021 йил қанча енгил автомобиль ишлаб чиқарилгани маълум қилинди
Ўзбекистонда 2021 йилда ишлаб чиқарилган айрим турдаги саноат маҳсулотлари ҳажми маълум бўлди. Давлат статистика қўмитаси бу бўйича «Bugun.uz»га хабар берди.
Маълумотларга кўра, 2021 йилда 236 минг 667 та енгил автомобиль ишлаб чиқарилган. Шунингдек, айрим турдаги саноат маҳсулотларини ишлаб чиқариш ҳажми қуйидаги кўрсаткични ташкил этган:
- автомобиль бензини — 1,1 миллион тонна;
- кўмир — 5,1 миллион тонна;
- нефть — 774 минг тонна;
- газ конденцати — 1,3 миллион тонна;
- автобус — 1003 дона;
- юк автомобиллари — 3979 дона;
- трактор — 213 дона;
- автомобиль двигателлари — 160,4 минг дона.
Аввалроқ Давлат статистика қўмитаси, асосан, қайси давлатларга енгил автомобиль экспорт қилинаётгани бўйича маълумот берганди. Шунингдек, 2021 йилнинг январь–сентябрь ойлари давомида қарийб 18 минг 150 та енгил автомобиль импорт қилинган.
