Янгиликлар - 18:00 · 24.01.2022

Ковиддан кейин қандай асоратлар кузатилади?

Россия тиббиёт фанлари номзоди ковид инсоннинг ўпкасидан ташқари турли органларига ҳам таъсир қилишини маълум қилди. Бу ҳақда «Sputnik» хабар берди.

Фото: «Britannica»

Маълум қилинишича, баъзи беморларда ўлимга олиб келадиган тромбоэмболик асоратлар билан кечадиган тромбоз, баъзиларида оғир миокардит ёки вирусли гепатит, баъзиларида эса перитонит — қорин бўшлиғининг яллиғланиши кузатилиши мумкин.

Таъкидланишича, ковид камдан-кам ҳолларда перитонит билан кечади. «Коронавирус инфекциясидан келиб чиққан қорин бўшлиғидаги яллиғланиш унинг айрим аъзоларининг иммун функциялари билан боғлиқ бўлиши мумкин», — дейди шифокор.

Аввалроқ «омикрон» штамининг тез юқиши сабаби маълум қилинганди. Шунингдек, коронавируснинг янги хусусияти ҳақида маълумот берилган.