14:20 | 28.01.22 119
Андижонда «Nexia-3» каналга тушиб кетди — фото
Бунга ҳайдовчининг бошқарувни йўқотгани сабаб бўлган
Андижон вилояти Шаҳрихон туманида 28 январь куни ҳайдовчиси бошқарувни йўқотган «Nexia-3» каналга тушиб кетди. Бу ҳақда Фавқулодда вазиятлар вазирлиги ахборот хизмати хабар берди.
Маълум бўлишича, воқеа соат 04:07 да туманнинг Янги Ваҳим маҳалласида содир бўлган. Аниқланишича, «Nexia-3» ҳайдовчиси бошқарувни йўқотган ва кўчадан ўтган каналга тушиб кетган.
Ҳодиса жойига туман ёнғин-қутқарув қисми қутқарувчилари етиб борган ва махсус техника ёрдамида автомашина каналдан олиб чиқилган. Оқибатда жабрланган ва ҳалок бўлганлар йўқ.
Аввалроқ Сурхондарё вилояти Шўрчи туманида юк машинаси каналга тушиб кетгани ҳақида хабар берилганди.
