Самарқанд ва Қашқадарёни боғловчи Тахтақорача довони вақтинча ёпилди

Самарқанд ва Қашқадарёни боғловчи Тахтақорача довони вақтинча ёпилди — видео

Самарқанд ва Қашқадарё вилоятларини боғловчи Тахтақорача довони вақтинча ёпилди. Бу ҳақда Фавқулодда вазиятлар вазирлиги матбуот хизмати хабар берди.

Фото: «Sputnik»

Маълум қилинишича, қалин қор ёққани туфайли 28 январь куни соат 22:25 дан Қашқадарё вилоятининг Китоб туманидан ўтган М-39 автомобиль йўлининг Тахтақорча довони автомобиллар ҳаракати учун вақтинча ёпилган.

«Айни дақиқаларда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида кенг кўламли профилактик ишлар амалга оширилмоқда.

Тахтақорача довонининг қайта очилиши бўйича ФВВ матбуот хизмати қўшимча маълумот тақдим этади», дейилади хабарда.

Эслатиб ўтамиз, об-ҳаво ноқулайлиги туфайли 24 февраль куни Тахтақорачада ҳаракат тўхтатилганди. Кейинчалик йўллар қордан тозаланиб, 25 февралдан довон қайта очилган.