18:05 | 20.02.22 347
Буюк Британия қироличаси коронавирусга чалинди
95 ёшли Елизавета II касалликка қарши тўлиқ эмланган
Буюк Британия қироличаси Елизавета II коронавирусга чалингани маълум қилинди. Бу ҳақда Букингем саройига яқин манбалар хабар берди.
Маълумотларга кўра, 95 ёшли қиролича шамоллашни эслатувчи енгил белгиларга эга. Келгуси ҳафтадаёқ у ўз вазифаларини давом эттиришни режалаштирмоқда.
Елизавета II ўн кун аввал коронавирус ташхиси қўйилган ўғли, тахт вориси шаҳзода Чарльз билан мулоқотда бўлган.
ОАВ маълумотига кўра, Елизавета II коронавирусга қарши вакцинанинг тўлиқ уч дозасини қабул қилган.
