«Uzbekistan Airways» АЖ Ростов ва Краснодарга парвозлар бекор қилинганини маълум қилди.

Таъкидланишича, Россиянинг Ростов–Дон (Платов) ва Краснодар шаҳарлари халқаро аэропортларининг фаолияти вақтинча тўхтатилгани муносабати билан авиакомпания қуйидаги режалаштирилган мунтазам қатновлар бекор қилинган:

• HY-9647/9648 Тошкент–Ростов-Дон–Тошкент йўналишида — 25, 27 февраль ва 2 март кунлари;
• HY-9687/9688 Тошкент–Краснодар–Тошкент йўналишида — 27 февраль и 1 март кунлари;
• HY-3687/3688 Тошкент–Краснодар–Тошкент йўналишида — 2 март куни.

Бекор бўлган парвозлар йўловчилари авиачипталарининг тўлиқ қийматини чипта сотиб олинган жойда қайтариб олишлари ёки парвозлар қайта тикланганидан кейин бошқа санага бепул қайта бронлаш ҳуқуқига эга.

Аввалроқ тартибсизликлар сабаб Ўзбекистондан Қозоғистонга амалга оширилиши керак бўлган авиарейс бекор қилингани ҳақида хабар берилганди.