Самарқандда «Lacetti» ариққа ағдарилди — видео
Самарқанд вилояти Пастдарғом туманида 17 февраль куни ҳайдовчиси бошқарувни йўқотган «Lacetti» ариққа ағдарилди. Бу ҳақда қилоят Ички ишлар бошқармаси ахборот хизмати хабар берди.
Маълум бўлишича, воқеа соат 15:30 атрофида туман ҳудудидан ўтган 4Р-46 автомобиль йўлининг 16-километрида содир бўлган. Аниқланишича, 1994 йилда туғилган Х.Р. «Lacetti» автомашинасида бошқарувни йўқотган ва йўлнинг ўнг томонидаги ариққа тушиб кетган.
Воқеа юз берганда машинада ҳайдовчининг ўзи бўлган, у енгил жароҳат олган ва унга тиббий ёрдам кўрсатилган. Ҳодиса юзасидан Пастдарғом тумани йўл ҳаракати хавфсизлиги бўлими ходимлари томонидан суриштирув ишлари олиб борилмоқда.
Аввалроқ Наманганда ҳайдовчиси бошқарувни йўқотган «Nexia» ағдарилиб кетиши оқибатида йўловчилардан бири шифохонада вафот этгани ҳақида хабар берилганди.
