10:17 | 14.03.22 261
Нуробод туманига янги ҳоким тайинланди
У бунга қадар депутатлар кенгаши котибияти мудири лавозимида ишлаган
Шерали Йўлдошев Самарқанд вилояти Нуробод туманига ҳоким этиб тайинланди. Бу ҳақда вилоят ҳокимлиги ахборот хизмати хабар берди.
Маълум бўлишича, туман ҳокимлигида ўтказилган халқ депутатлари туман Кенгашининг навбатдан ташқари сессиясида ташкилий масала кўрилган. Сессияда депутатлар томонидан Шерали Йўлдошев номзоди Нуробод тумани ҳокими лавозимига тасдиқланди.
Янги ҳоким 1971 йилда вилоятнинг Каттақўрғон туманида туғилган. Мазкур тайинловга қадар у халқ депутатлари Самарқанд вилояти Кенгаши котибияти мудири лавозимида фаолият олиб борган.
Аввалроқ қатор вилоят ҳокимларга оила ва хотин-қизлар ишлари бўйича ўринбосарлар тайинлангани ҳақида хабар берилганди.
