Сурхондарё вилояти Ички ишлар бошқармаси ижтимоий тармоқларда тарқалган, бир неча эркак ўқувчи қизнинг номусига теккани айтилган хабар юзасидан расмий муносабат билдирди.

Маълум қилинишича, Жиноят кодексининг 128-1-моддасининг 1-қисми (Ўн олти ёшдан ўн саккиз ёшгача бўлган шахс билан моддий қимматликлар бериш ёхуд мулкий манфаатдор этиш орқали жинсий алоқа қилиш) билан 2021 йил 3 ноябрда жиноят иши қўзғатилган. Бу иш бўйича дастлабки тергов ҳаракатлари якунланиб, у мазмунан кўриб чиқиш учун Жиноят ишлари бўйича Термиз шаҳар судига юборилган.

Аввалроқ Қашқадарёда 15 ёшли қизни 4 йигит зўрлагани, қизнинг 8 ойлик ҳомиласи борлиги айтилганди. Шунингдек, Хоразмда вояга етмаган қизнинг номусига тегилгани, тергов 6 ойдан буён тугатилмаганига изоҳ берилган.