16 март куни «UzAuto Motors» компаниясининг Асака шаҳридаги ишлаб чиқариш заводида «Очиқ эшиклар» куни ўтказилди. Унда иштирокчилар «Бизнеснинг очиқлик тамойили нима?» каби саволга бевосита жавоб олиш имконига эга бўлди.

Тадбирни ўтказишдан асосий мақсад автомобилсозлик соҳасининг бўлажак ёш кадрларини ишлаб чиқариш жараёнлари билан таништириш, ёш авлодни замонавий ишлаб чиқаришдаги турли хил мутахассисликларни танлаш имкониятига эга эканлигига қизиқтиришдан иборат.

Ташкил этилган «Очиқ эшиклар куни» доирасида Асака заводига 100 дан ортиқ меҳмонлар ташриф буюрди. Тадбир ташкилотчилари меҳмонлар орасида кейинчалик ишлаб чиқаришга меҳмон сифатида эмас, балки тўлақонли ходим сифатида келиши мумкин бўлганлар қатнашишига ҳаракат қилди.

Айнан мана шунинг учун ҳам Фарғона политехника институтининг ишлаб чиқаришда бошқарув ва «Механика-машинасозлик» факультетлари талабалари, Андижон шаҳридаги 11-мактаб, Шаҳрихон вилоятидаги 15-мактабнинг юқори синф ўқувчиларига алоҳида эътибор қаратилди.

Шуниси эътиборга лойиқки, кўплаб профессор-ўқитувчилар заводга режалаштирилган ташриф ҳақида эшитиб, ишлаб чиқариш жараёнини ўз кўзлари билан кўриш истагида талаба ва мактаб ўқувчиларидан иборат гуруҳларга қўшилиш таклифини билдирди.. Натижада ташриф буюрувчилар сони сезиларли даражада ошиши ташкилотчиларни қўшимча гуруҳ учун турлар жадвалини ўзгартиришга ундади.

Шубҳасиз, компаниянинг устувор йўналиши — ҳар бир ходим ва меҳмонларнинг хавфсизлигидир, шу сабабли заводга экскурцияси хавфсизлик бўйича брифинг билан бошланди. Ҳар қандай ишлаб чиқариш  қизиқарли жараёндир, автомобилларни ишлаб чиқариш жараёни эса янада қизиқарли. Ташриф буюрувчилар пресслаш тсехида бўлиб,  пўлат рулолардан турли штамплаш автомобиль кузов қисмлари қандай ишлаб чиқарилиш жараёни билан яқиндан танишди.

Экскурция давомида меҳмонлар соҳа мутахассисларидан ўзларини қизиқтирган саволларга жавоб олди. Шунингдек, таклиф этилган блогерлар ёшларнинг автомобилсозлик соҳасига бўлган қизиқишига гувоҳ бўлди.

Тадбирнинг ёш иштирокчиларидан бири блогерлар билан суҳбат давомида,  «Ишлаб чиқариш жараёнини ўз кўзингиз билан кўрганингиздан кейин тайёр маҳсулотга бошқача кўз билан қарайсиз, чунки уни ишлаб чиқариш учун  қанча меҳнат сарфланганини биласиз» –  деди у.

Реклама