Қашқадарё вилояти Миришкор туманида байрам тадбирида рақсга тушаётган ўқувчи қиз ҳушидан кетиб, вафот этди. Бу ҳақда Халқ таълими вазирлиги матбуот котиби хабар берди.

Дастлабки маълумотларга кўра, вафот этган қиз 2005 йилда туғилган бўлиб, Миришкор туманидаги 33-мактабнинг 10-синфида таҳсил олган. У болалигидан тутқаноқ (эпилепсия) касаллиги билан касалланиб келган.

Таъкидланишича, ўқувчи қиз байрам тадбирида ҳушидан кетганидан сўнг мактаб маъмурияти томонидан шошилинч тез тиббий ёрдамга мурожаат қилинган. Ҳозирда тегишли органларнинг масъуллари томонидан ўрганиш ишлари амалга оширилмоқда. Ҳолат юзасидан қўшимча маълумот берилиши қайд этилган.

Аввалроқ Тошкент вилоятида 13 ёшли қиз номаълум газдан заҳарланиб, вафот этгани хабар қилинганди.