Ўзбекистон Президентининг тегишли қарор ва фармойишлари билан Давлат божхона қўмитаси Раҳбарияти ва бир қатор ҳудудий божхона бошқармалари раҳбариятида муҳим тайинловлар амалга оширилди. Бу ҳақда қўмита ахборот хизмати хабар берди.

Унга кўра, Давлат божхона қўмитаси раисининг биринчи ўринбосари вазифасини бажарувчиси бўлиб хизмат қилиб келаётган Мухторов Илхом Мухторович Давлат божхона қўмитаси Раисининг биринчи ўринбосари этиб тайинланди. Ўзбекистон Республикаси Президенти Администрациясида фаолият юритиб келган Ибрагимов Отабек Исмоилович Давлат божхона қўмитаси Раиси ўринбосари этиб тайинланди.

Давлат божхона қўмитаси раиси ўринбосари бўлиб хизмат қилиб келаётган Салиев Муталибджан Обиджонович эса Наманган вилояти божхона бошқармаси бошлиғи бўлди.

Қорақалпоғистон Республикаси божхона бошқармаси бошлиғи бўлиб хизмат қилиб келаётган Хожиматов Олимжон Хамиджанович Тошкент вилояти божхона бошқармаси бошлиғи этиб тайинланди.

Хоразм вилояти божхона бошқармаси бошлиғи вазифасида хизмат қилиб келаётган Казаков Илхомбек Базарбаевич Қорақалпоғистон Республикаси божхона бошқармаси бошлиғи, Фарғона вилояти божхона бошқармаси бошлиғининг биринчи ўринбосари вазифасида хизмат қилиб келаётган Клычев Максудбек Рахимберганович Хоразм вилояти божхона бошқармаси бошлиғи этиб тайинланди.

Фарғона вилояти божхона бошқармаси бошлиғининг биринчи ўринбосари вазифасида хизмат қилиб келаётган Клычев Максудбек Рахимберганович Хоразм вилояти божхона бошқармаси бошлиғи, Тошент шаҳар божхона бошқармаси бошлиғининг биринчи ўринбосари вазифасида хизмат қилиб келаётган Муратов Бахтиёр Шавкатович Андижон вилояти божхона бошқармаси бошлиғи этиб тайинланди.

Тошкент шаҳар божхона бошқармасининг «Арк булоқ» ташқи иқтисодий фаолият божхона пости бошлиғи вазифасида хизмат қилиб келаётган Насиров Ғайрат Фархадович “Тошкент-АЭРО” ихтисослаштирилган божхона комплекси бошлиғи этиб тайинланди.

Аввалроқ Ўзбекистоннинг қатор вилоят ҳокимларига 9 март куни оила ва хотин-қизлар ишлари бўйича ўринбосарлар тайинланганди.