Ўзбекистонда 2022 йилнинг март ойи аномал ёмғирли бўлгани ва бу ойда ёғингарчилик миқдори бўйича кўплаб рекордлар ўрнатилгани маълум қилинди. Бу ҳақда «Ўзгидромет» хабар берди.

Таъкидланишича, республика ҳудудининг катта қисмида (шимол ва жанубдан ташқари) ёғингарчилик миқдори ойлик меъёрга нисбатан кўп бўлган. Март ойида ёғингарчилик одатдагидан 2–3 марта, баъзи жойларда 3,5–4,5 марта кўп бўлган. Тошкент, Жиззах, Сирдарё, Андижон, Фарғона, Наманган вилоятларининг айрим туманларида 2022 йилнинг март ойидаги ёғингарчилик бутун метеорологик кузатувлар туркуми бўйича рекорд даражага етган.

«Март ойининг ўтган даври учун Тошкент шаҳрида ёғингарчилик 186 миллиметр бўлди, бу март ойининг аввалги 1969 йил рекордини янгилади», дейилади хабарда.

Келтирилишича, ёмғирларнинг давомийлиги ҳам аномал бўлган. Деярли ҳар куни 5 мартдан 18 мартгача бўлган даврда ёмғир ёққан, сўнг эса ёмғир бироз танаффус билан кузатилган.

Аввалроқ «Ўзгидромет» хизмати апрель ойида кузатиладиган об-ҳаво маълумоти эълон қилинганди. Унга кўра, жойларда ҳарорат 33 даражагача кўтарилиши, қисқа муддатли ёмғир ёғиши мумкин.