Видео: Урганчдаги LED мониторида порнографик тасвирлар кўрсатилди
Хоразм вилояти Урганч шаҳрида жойлашган LED мониторида порнографик видео акс этган видео кўрастилгани ҳақида ижтимоий тармоқларда хабар тарқалган. Шаҳар ҳокимлиги ахборот хизмати ҳолат юзасидан муносабат билдирди.
Таъкидланишича, мазкур ҳолат бўйича тезкорлик билан LED монитор ўчирилган. Ҳозирда ҳуқуқ тартибот органлари томонидан ҳолатга аниқлик киритиш мақсадида тегишли ишлар олиб борилмоқда.
«Бу ҳақида батафсил маълумот берилади», дейилади хабарда.
Аввалроқ Наманган шаҳрида «Ёшлар дафтари»га киритилган Довудхон Ғуломжоновга эски ноутбук берилгани ва унинг ичидан беҳаё кинолар борлиги айтилган хабарлар ижтимоий тармоқларда тарқалганди. Шунингдек, Самарқанд вилояти Нуробод туманида IТ мусобақасида ғолиб бўлган 13 ёшли мактаб ўқувчисига эски ноутбук берилгани, бунинг ортидан туман «замҳокими» ҳайфсан олгани, сўнг ўқувчига янги ноутбук совға қилингани ҳақида хабар берилганди.
