Қашқадарё вилояти Нишон туманида 17 ёшли ўқувчи қиз ўзини осиб қўйди. Бу ҳақда «Nasafnews» хабар берди.

Маълум бўлишича, 2022 йил 22 март куни соат тахминан 22:00 да Нишон тумани «Ойдин» МФЙда яшаган, вояга етмаган Нишон тумани ХТБга қарашли 18-сонли мактабнинг 10-синфда ўқиган, 2005 йилда туғилган Х.Н. ўз жонига қасд қилган. У ўз яшаш уйининг ички хонаси устунларига арқон ип билан ўзини ўзи бўйин соҳасидан осиб, воқеа жойида вафот этган.

«Nasafnews»га кўра, марҳума қиз oила аъзолари ва қўни-қўшнилари билан жанжаллашмаган. Унинг руҳиятида ўзгариш бўлган.

Ҳозирда ҳолат юзасидан Нишон тумани прокуратураси терговга қадар текширув ҳаракатлари ўтказмоқда.

Аввалроқ  Самарқандда тазйиқлар оқибатида аёл ва унинг 16 ёшли қизи ўзини осиб қўйганди. Шунингдек, Қашқадарё вилояти Нишон туманида 9 март куни ўқувчи яна бир қиз ўз жонига қасд қилганди.