18:35 | 07.04.22 510
Ҳиндистонда ҳам коронавируснинг «ХE» штами аниқланди
Вируснинг бу тури дастлаб Британияда қайд этилганди
Ҳиндистон ҳукумати мамлакатда коронавируснинг янги «ХE» штамига чалинишнинг биринчи ҳолатини тасдиқлади. Бу ҳақда «Hindustan Times» хабар берди.
Келтирилишича, февраль ойида Жанубий Африкада саёҳат қилган 50 ёшли аёлда «омикрон» штамининг «BА.1» ва «BА.2» туридан иборат ковиднинг гибрид варианти топилган. Бемор касалликни симптомсиз шаклда ўтқизган, аёл ташхис қўйилгандан кейин карантинга олинган.
«ХE» «омикрон» штамларидаги мутация бўлиб, у бошқа ковид турларга қараганда тахминан 10 фоизга тез юқади. Янги штамм дастлаб Буюк Британияда аниқланган.
Эслатиб ўтамиз, аввалроқ Хитойнинг Цзянсу провинциясида «омикрон» штамининг «BА.1.1» янги субварианти аниқланганди.
