Пахтакор метро бекатида поезд тўхтаб қолди — видео
Тошкент метросининг Пахтакор бекатида 7 апрель куни поезд тўхтаб қолди. Бу ҳақда пойтахт метрополитени ахборот хизмати «Bugun.uz»га маълумот берди.
Қайд этилишича, соат 9:30 атрофида Пахтакор метро бекатида 15-сонли ҳаракат таркибида машинист томонидан носозлик аниқланган. Хавфсизлик чораларини кўриш мақсадида, йўловчилар вагондан туширилган.
Шунингдек, кейинги 18-сонли маршрут ҳам йўловчиларни ушбу бекатда тушириб, 15-электропоездни техник кўрикдан ўтказиш учун депо томонга ҳаракатланишида кўмаклашган. Соат 9:37 дан бошлаб поездлар ҳаракати доимий жадвал асосида амалга оширилмоқда.
