Термиз–Санкт-Петербург–Термиз йўналиши бўйича авиақатновлар тикланади
«Uzbekistan Airways» 2022 йил 5 майдан бошлаб Термиз–Санкт-Петербург–Термиз халқаро йўналишидаги мунтазам авиақатновларни тиклайди. Бу ҳақда авиакомпания матбуот хизмати хабар берди.
Маълум қилинишича, парвозлар пайшанба кунлари амалга оширилади. Термиздан учиш 08:55 да (Тошкент вақти билан), Санкт-Петербургга етиб бориш Москва вақти билан 12:20 бўлади. Санкт-Петербургдан учиш 13:50 да(Москва вақти билан), Термизга етиб келиш эса 21:00 да (Тошкент вақти билан) амалга оширилади.
«Термиз–Санкт-Петербург йўналиши бўйича авиачипта нархи 1 961 814 сўмдан (багажсиз) ва 2 160 354 сўмдан (багаж билан), Термиз– Санкт-Петербург–Термиз йўналиши бўйича эса 3 698 660 сўмдан (багажсиз) ва 4 095 738 сўмдан (багаж билан) бошланади. Нархлар 08.04.2022 ҳолатига кўра амал қилади», дейилади хабарда.
Аввалроқ Ўзбекистондан Францияга 29 апрелдан бошлаб авиақатновлар тикланиши хабар берилганди. Шунингдек, Ўзбекистондан Саудия Арабистонига Умра сафари учун кунлик авиақатновлар йўлга қўйилиши айтилган.
