Ўзбекистонда лимон экспортида етакчи ҳудудлар эълон қилинди
Cтатистика қўмитаси ахборот хизмати «Bugun.uz»га 2022 йилнинг январь–февраль ойларида лимон экспортида етакчи бўлган ҳудудлар рўйхатини эълон қилди.
Маълум бўлишича, 2022 йилнинг дастлабки икки ойида 6 та хорижий давлат 1,2 минг тонна лимон экспорт қилинган. Маҳсулот экспорти ҳажми 1,3 миллион долларга етган.
Лимон экспорти 2021 йилнинг мос даври билан солиштирилганда 309 тоннага ошган. Қуйида январь–февраль ойларида Ўзбекистон энг кўп лимон сотган давлатлар рўйхати келтирилган:
- Россия – 715 тонна;
- Қозоғистон – 325 тонна;
- Қирғизистон – 194 тонна.
Шу билан бирга, Ўзбекистоннинг хорижга энг кўп лимон экспорт қилган ҳудудлар ҳам эълон қилинган:
- Фарғона вилояти – 521 тонна;
- Тошкент вилояти – 219 тонна;
- Хоразм вилояти – 159 тонна.
Аввалроқ 2022 йилнинг январь–февраль ойларида Ўзбекистон қиймати 113,7 миллион долларга тенг бўлган 164 минг тонна мева ва сабзавотлар экспорт қилганди.
