Тошкентдаги ўқув марказида 2 аёл ноқонуний диний сабоқ бергани аниқланди
Тошкент шаҳри Шайхонтоҳур туманидаги ўқув марказида 2 аёл ўқувчиларга ноқонуний диний сабоқ бергани аниқланди. Ҳолат юзасидан шаҳар Ички ишлар бош бошқармаси маълумот берди.
Маълум қилинишича, Тошкент шаҳри ИИББ ва бошқа ҳуқуқ-тартибот органлари ходимлари Шайхонтоҳур туманида профилактик тадбирлар олиб борган. Унда тумандаги ўқув марказларидан бирида 43 ёшли Наргиза К. ва 19 ёшли Мохичеҳра Р тегишли рухсатларсиз диний адабиётдан фойдаланган ҳолда дарс ўтгани аниқланган.
Ҳолат бўйича Маъмурий жавобгарлик тўғрисидаги кодекснинг 241-моддасига (Диний таълимотдан сабоқ бериш тартибини бузиш) асосан суд томонидан аёлларга нисбатан қонуний чора кўрилган.
Аввалроқ Тошкентда қизларга ноқонуний диний сабоқ бериб келган 3 аёл ушланганди. Шунингдек, Жиззахда сеҳргарлик ва ноқонуний диний таълим билан шуғулланган «домла» қамалган.
