Ўзбекистон Истеъмолчилар ҳуқуқларини ҳимоя қилиш жамиятлари федерациясига 2022 йилнинг 1-чораги давомида истеъмолчилардан 3552 та мурожаат келиб тушди. Бу ҳақда федерация матбуот хизмати «Bugun.uz»га маълум қилди.

Келиб тушган аризаларни таҳлил этилганда:

• биринчи навбатда савдо соҳасидан (1291 та);
• газ таъминоти соҳасидан (473 та);
• электр энергиясидан(285 та);
• сув таъминоти (182 та);
• коммунал соҳалар (136) каби тармоқлардан истеъмолчилар норозилиги кўрсаткичи юқори экани маълум бўлган.

Бундан ташқари,

• соғлиқни сақлаш (46 та);
• хизмат кўрсатиш (сервис — 173 та);
• транспорт (122 та);
• алоқа ва интерет (106 та) каби соҳалардан ҳам норозиликлар мавжуд.

Ижобий ҳал этилган мурожаатлар натижасида истеъмолчилар фойдасига 7 миллиарддан зиёд маблағ ундириб берилган.

Аввалроқ Ўзбекистонда истеъмолчилар 2021 йилда энг кўп қайси соҳа бўйича шикоят қилгани айтилганди.