Тошкент метрополитени аҳолидан жетонларни сотиб олади
Тошкент метрополитени 15 апрель кунидан аҳолидан жетонларни сотиб олади. Бу ҳақда метрополитен ахборот хизмати «Bugun.uz»га хабар берди.
Пойтахт метросида 2020 йилнинг ноябрь ойидан бошлаб йўловчилар учун жетонларни сотиш тўхтатилганди. Унинг ўрнига автоматлаштирилган тўлов тизими жорий этилган.
Қайд этилишича, аҳолидаги мавжуд жетонлар 15 апрель санасидан бошлаб амалдаги йўл ҳақи асосида «Тошкент метрополитени» ДУК маъмурияти томонидан ҳарид қилинади.
Аввалроқ Тошкент метрополитенида юзни сканерлаш орқали тўлов тизими синовдан ўтказилгани ҳақида хабар берилганди.
