Илм-фан - 19:57 · 15.04.2022

Олимлар вакциналарнинг ножўя таъсирини аниқлади

Сингапур Миллий университет госпитали олимлари эмланиш ва юрак хасталиклари ўртасидаги боғлиқликни аниқлаш учун вакцина олган 395 миллион кишининг маълумотларини таҳлил қилди. Уларнинг тадқиқоти «Lancet Respiratory» журналида чоп этилди.

Фото: Жаҳон Соғлиқни Сақлаш Ташкилоти

Тадқиқот шуни кўрсатдики, ковидга қарши эмланган 30 ёшгача бўлган йигитларда миоперикардит, юрак мушаклари ва унинг атрофидаги тўқималарнинг яллиғланиши хавфи сезиларли даражада ошади. Аммо 1 миллион дозадан атиги 33 тасида шундай ҳолат кузатилган. 30 ёшгача бўлган эркаклар орасида касаллик хавфи 4-5 баробар юқори бўлгани қайд этилган. Касаллик Американинг «Pfizer» ва «Moderna» препаратлари билан эмланиш фонида қайд этилган.

Аввалроқ АҚШда вакцина олган ўсмирларда синдром аниқланганди. Шунингдек, вакциналарнинг самарали экани исботланганди.