Қуддусдаги мусулмон ва яҳудийлар тўқнашуви, гигант Пасха тухумлари, «Москва» билан хайрлашув маросими — 15 апрель суратлари

Бугуннинг энг сара суратларини эътиборингизга ҳавола этамиз.

Россиянинг «Первый» каналининг собиқ муҳаррири Марина Овсянникова жонли эфир пайтида «Урушни тўхтатинг, ташвиқотга ишонманг, улар бу ерда сизга алдашяпти» ёзувларини кўтариб чиққан. Сўнг у каналдан ишдан бўшаб, Германиянинг «Die Welt» нашрида иш бошлаганди. Таҳририят биноси ёнида ўқувчилар уни ишдан бўшатишни талаб қилиб, акция ўтказди. Уларнинг қўлида «Ташвиқотчи — журналист эмас», «Ташвиқотчининг собиғи бўлмайди» ёзувлари бор эди.

Украинада рус ракеталаридан ҳимояланиш учун хавфсиз жойга яширинган она-бола.

Хорватиялик аёл кўчаларда содда санъат услубида бўялган 2 метрли тухумга ҳайрат ила боқмоқда.

Хитойдаги карантин сабаб изоляцияланган аҳоли бирламчи эҳтиёждаги маҳсулотларни етказиб берувчи орқали қабул қилмоқда. Баъзи провинцияларда тотал изоляция амал қилмоқда.

Голландиядаги гўзаллик — лолазор.

Париж архепархиясининг апостол маъмурлари Нотр-Дам соборида бинони қисман вайрон қилган ёнғиннинг уч йиллиги муносабати билан ибодат қилишмоқда.

Ҳиндистонда ҳаваскор ва профессионал рассомлар ўз ижод намуналари билан кўчаларни кезмоқда.

Қуддусдаги ал-Ақсо масжидида мусулмон ва яҳудийлар тўқнашди. Исроил хавфсизлик кучлари фаластинликларнинг Ал-Ақсо масжидига жума намозига боришига тўсқинлик қилмоқда. Бугун фаластинлик намойишчилар билан Исроил полицияси ўртасидаги тўқнашувда 100 дан ортиқ одам тан жароҳати олди.

Россиянинг қудратли «Москва» ҳарбий кемаси украиналик ҳарбийлар кўрсатган йўналишга қараб кетди. Мамлакатнинг Қора денгиз флоти флагмани бўлган «Москва» крайсери 14 апрель куни чўкиб кетди. Бугун, 15 апрель куни Севастопол шаҳрида крейсер билан хайрлашув маросими бўлиб ўтди.

“Bugun.uz” янгиликларини “Telegram”да кузатиб боринг