Жамият, Тошкент ш. - 9:30 · 15.04.2022

Тошкент метросида йигит қиз дўсти билан тортишиб қолгани сабаб ўзини поезд тагига ташлагани аниқланди

Тошкент метрополитенининг Пушкин бекатида 20 ёшли йигит қасддан поезд йўлагига ўзини ташлагани хабар қилинганди. Бош прокуратура матбуот котиби «Bugun.uz»га ҳолат юзасидан қўшимча маълумот берди.

Фото: «Bugun.uz»

Аниқланишича, 14 апрел куни соат таҳминан 17:30 ларда Пушкин метро бекатида 20 ёшли эркак қиз дўсти билан гап талашиб, келиша олмаган. Бундан сўнг у ўзини электропоезд тагига ташлаган.

Фуқаро тез тиббий ёрдам ходимлари томонидан кўрикдан ўтказилганида, унга ҳеч қандай тан жарохати етказилмаганлиги аниқланган. Ҳолат юзасидан терговга қадар текширув ҳаракатлари ўтказилмоқда.

Аввалроқ Тошкент метросида 24 февраль куни эркак ўзини поезд тагига ташлаганди. Шунингдек, Фарғонада аёл жонига қасд қилиш мақсадида ўзини поезд тагига ташлагани хабар берилганди.