Ўзбекистонда 15 апрель ҳолатига кўра, коронавирус инфекцияси қайд этилганлар сони 238 252 (+38) нафарни ташкил этмоқда. Бу ҳақда Соғлиқни сақлаш вазирлиги матбуот хизмати хабар берди.

Янги касалланиш ҳолатларининг:

• 17 таси Тошкент вилоятида;
• 21 таси эса Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

15 апрель кун давомида:

• Сурхондарё вилоятида 1 нафар;
• Тошкент вилоятида 20 нафар;
• Тошкент шаҳрида 21 нафар бемор тузалди.

Касалликдан соғайганлар жами 236 228 (+42) нафарга етди ва соғайиш кўрсаткичи 99 фоизни ташкил этмоқда.

Вазирлик, шунингдек, мамлакатда жами 50 миллион дозадан ортиқ вакцинадан фойдаланилганини маълум қилди.

15 апрелда мамлакат ҳудудлари бўйлаб 133 973 доза COVID-19’га қарши вакцина қўлланилди. Улардан:

• 1-босқич эмланганлар 16 278 нафарни;
• 2-босқич эмланганлар 13 331 нафарни;
• 3-босқич ва бустер доза билан эмланганлар 104 364 нафарни ташкил қилди.

Айни кунгача мамлакатда жами 50 060 812 доза вакцинадан фойдаланилди. Улардан:

• 1-босқич эмланганлар 20 065 789 нафарни;
• 2-босқичда эмланганлар 16 121 349 нафарни;
• 3-босқич ва бустер доза билан эмланганлар 13 873 674 нафарни ташкил қилди.

15 апрелда эмлаш кўрсаткичлари бўйича юқори ўринларни:

• Самарқанд вилояти (14 991 доза);
• Андижон вилояти (13 510 доза);
• Қорақалпоғистон (13 199 доза) банд қилди.

Биринчи доза билан эмланиш кўрсаткичи эмланиши режалаштирилган қатламга нисбатан 93,5 фоизга, тўлиқ вакцина курсини олганлар эса 75,7 фоизга етган.