Жамият, Фарғона - 11:49 · 18.04.2022

Фарғонада эркак аёл ҳайдовчига зўрлик ишлатиб, машина ойнасини синдирди — видео

Фарғона вилояти Қува туманида эркак аёл ҳайдовчига зўрлик ишлатгани акс этган видео тарқалди. Бош прокуратура матбуот котиби ҳолат юзасидан «Bugun.uz»га маълумот берди.

Кадр: Telegram/ @mobilmuxbiruz

Тарқалган видеода эркак аёл ҳайдовчининг машинаси олдига келиб, уни автомобилдан тушишини сўраган. Фуқаро бунга қаршилик кўрсатиб, машинани ҳаракатлантирмоқчи бўлганида эркак унинг ён ойнасини синдирган.

Бош прокуратура матбуот котибининг маълум қилишича, ҳолат юзасидан туман ички ишлар бўлими томонидан терговга қадар текшириш ҳаракатлари олиб борилмоқда. Текшириш жараёни Фарғона вилояти прокуратураси томонидан назоратга олинган.

Аввалроқ Қорақалпоғистонда бир гуруҳ йигитлар 20 ёшли қизни куч ишлатиб, олиб қочгани ҳақида хабар берилганди.