Жамият - 12:12 · 18.04.2022

Ўзбекистонга 2022 йил бошидан бери қанча пул ўтказилгани маълум бўлди

Ўзбекистонга 2022 йилнинг биринчи чорагида 1,47 миллиард доллар пул ўтказилди. Бу ҳақда Марказий банк ахборот хизмати хабар берди.

Фото: «Bugun.uz»

Қайд этилишича, жисмоний шахслар томонидан январь–март ойларида мамлакатга келиб тушган халқаро трансчегаравий пул ўтказмалари 1,47 миллиард долларга етган. Кўрсаткич 2021 йилнинг мос даврига нисбатан 49 миллион долларга ошган.

Тижорат банклари орқали жисмоний шахсларга жами 1,73 миллиард долларга валюта сотилган. Бу 2021 йил билан солиштирилганда 709 миллион долларга кўп.

Инфографика: Марказий банк

Аввалроқ Ўзбекистон ва Россия ўртасида «Ягона трансчегаравий пул ўтказмалари» тўлов тизими фаолияти йўлга қўйилиши ҳақида хабар берилганди.