Жамият, Фарғона - 13:39 · 19.04.2022

Фарғонада кўмир ишлаб чиқариш цехи портлаб кетди

Фарғона вилояти Тошлоқ туманида 18 апрель куни кўмир ишлаб чиқариш цехида портлаш содир бўлди. Бу ҳақда вилоят Фавқулодда вазяитлар бошқармаси ахборот хизмати хабар берди.

Фото: Фавқулодда вазиятлар вазирлиги ахборот хизмати

Маълум бўлишича, соат 12:20 атрофида туманнинг Варзак мфй Дашт ҳудудида жойлашган масъуляти чекланган жамиятнинг логистика маркази ташкил этиш учун ажратилган жойда «Кокс» ишлаб чиқаришга мўлжалланган цех ҳудудида чақнаш содир бўлган. Цехдани синов тариқасида ишлатиш жараёнида чақнаш содир бўлган, 2 нафар корхона ишчиси ва 3 нафар қурилишга келган фуқаролар турли даражада куйиш тан жарохати олиб, даволаниш учун тез тиббий ёрдам марказига ётқизилган.

Портлашга сиғимнинг узоқ вақт давомида қиздирилиши, ичида босимнинг ортиб кетиши ва қопқоқ босимни кўтара олмай очилиб кетиши сабаб бўлган. Оқибатда 5 нафар фуқаронинг тан жароҳат олишган деб таҳмин қилинган.

Аниқланишича, ҳудудда хавфли ишлаб чиқариш объектни лойихалаш, қуриш, кенгайтириш ва фойдаланиш билан боғлик ишлар учун тегишли лойиха хужжатлари белгиланган тартибда саноат хавфсизлиги экспертизасидан ўтказилмаган ва тегишли хулосалар олинмаган ҳолатда фойдаланишга йўл куйилган. Мазкур ҳолат юзасидан тегишли ходимлар томонидин терговга қадар текширув ишлари амалга оширилмоқда.