Ўзбекистонда йил бошидан бери қанча чақалоқ туғилгани маълум бўлди
Ўзбекистонда 2022 йилнинг бошидан бери 203,7 минг нафар чақалоқ туғилди. Бу ҳақда Статистика қўмитаси ахборот хизмати «Bugun.uz»га хабар берди.
Маълум бўлишича, 1 апрель ҳолатига республикада 203,7 минг туғилиш қайд этилган. Кўрсаткич 2021 йилнинг мос даври билан солиштирилганда 13,4 фоизга ошган.
Қўшимча қилинишича, Ўзбекистонда 2021 йилда қайд этилган туғилишлар сони 1991 йилдаги туғилишлар билан солиштирилганда 25,1 фоизга қўпайган.
Аввалроқ январь ойида 69 198 нафар чақалоқ туғилгани маълум қилинган. Шунингдек, Сирдарёда 7 килограмли чақалоқ туғилгани хабар берилган.
